निष्क्रियता, हलगर्जीपणा आणि कर्तव्य न पेलवणारे सरपंचास बडतर्फ करून ग्रामपंचायत बरखास्त करा
व्यंकटराव पनाळे यांची जिल्हाधिकारी यांच्याकडे मा
हरंगुळ बु. ग्रामपंचायत हद्दीत राजरोसपणे गुटखा, गोवा, दारूची विक्री केली जाते. तसेच मटका सुद्धा सर्रास खेळला जातो. गावातील अनेक तरुण याच्या आहारी गेलेले दिसून येतात. तरीसुद्धा ग्रामपंचायत याबाबतीत काहीही प्रतिबंधात्मक पाऊले उचलत नाही असे पनाळे यांनी म्हटले आहे. यामुळे ग्रामपंचायत प्रशासनावर जनतेत प्रचंड नाराजी दिसून येते आहे.
जिल्हाधिकारी आणी जिल्हा परिषदेचे मुख्य कार्यकारी अधिकारी यांनी हरंगुळ बु. ग्रामपंचायत हद्दीतील नागरिकांची होत असलेली गैरसोय व ग्रामपंचायत कडून जनतेच्या आवश्यक त्या सेवा पुरविण्यात होत असलेली हेळसांड, निष्क्रियता तसेच सरपंच यांचा हलगर्जीपणा व त्यांची सरपंच म्हणून काम करण्यास असलेली अकार्यक्षमता प्रत्यक्ष हरंगुळ येथे भेट देऊन व प्रत्यक्ष पाहणी करून, कर्तव्यात कसूर केल्याप्रकरणी आपण तात्काळ सरपंचास बडतर्फ करून किंवा ग्रामपंचायत बरखास्त करून प्रशासकीय अधिकाऱ्याची नियुक्ती करावी. आणि जनतेला योग्य त्या गरजा पुरवून कोरोनाच्या कालावधीमध्ये आधार द्यावा अशी मागणी हरंगुळ ग्रामपंचायतचे माजी सरपंच व्यंकटराव पनाळे यांनी जिल्हाधिकारी यांच्याकडे केली आहे. त्याबरोबरच हरंगुळ बु. चा एक जागरूक नागरिक म्हणून त्यांनी ग्रामस्थांना असेही आवाहन केले आहे की नेहमीच तर मी आपल्या सर्वांच्या संपर्कात असतोच परंतु सध्या लाँकडावुन मुळे बाहेर फिरण्यावर मर्यादा आले कारणाने सध्याच्या कोरोना कालीन या संकटाच्या परीक्षेच्या कालावधी मध्ये आपल्यापैकी हरंगुळ बु. ग्रामपंचायतीच्या हद्दीतील कोणालाही कोणत्याही प्रकारची अडचण असेल तर व्हाँट्सअप, एसएमएस किंवा मोबाईलवर कॉल करून आपली अडचण सांगावी माझ्या परीने सर्वतोपरी मदत करण्याचा मी प्रामाणिकपणे प्रयत्न करेन. असे ग्रामस्थांना व्यंकटराव पनाळे यांनी सांगितले आहे. सर्वजण आपापल्या घरी राहाच राहून सुरक्षित रहावे व विनाकारण घराबाहेर पडू नये. सामाजिक अंतर पाळुन मास्कचा वापर करावा. स्वतःची आणि परिवाराची काळजी घ्यावी. आणि जिल्हा प्रशासनाला सहकार्य करावे असेही व्यंकटराव पनाळे यांनी गावकऱ्यांना आव्हान केले आहे.
