देशी केंद्र शाळेच्या समोर एकास लुटले
लातूर शहरातील देशी केंद्र शाळेच्या समोर असलेल्या मालपाणी कॉम्प्लेक्स येथे झोपलेल्या दोघांकडून जबरदस्तीने रक्कम काढून घेतली व एकावर चाकूचा वार करून जखमी केल्याची घटना घडली. या प्रकरणी शिवाजीनगर पोलीस ठाण्यात अज्ञात व्यक्तीविरुद्ध गुन्हा दाखल करण्यात आला आहे.
याप्रकरणी बालाजी पुंडलिक गोवाडे राहणार ढोलकीची वाडी तालुका कळमनुरी जिल्हा हिंगोली यांनी शिवाजीनगर पोलीस ठाण्यात दिलेल्या तक्रारीत नमूद केले आहे की मोलमजुरी करण्यासाठी ते लातूर आलेले असून देशिकेंद्र शाळेसमोरील मालपाणी कॉम्प्लेक्स येथे झोपलेली असताना रात्री साडेबाराच्या सुमारास अनोळखी व्यक्ती त्यांच्या जवळ आला व मारहाण करून त्याच्याजवळ एक हजार दोनशे रुपये जबरदस्तीने काढून घेतले व गालावर चाकूचा वार करून जखमी केले. त्याचप्रमाणे फिर्यादीचा मित्र गौतम मोरे यांच्या जवळील चारशे रुपये काढून घेण्यात आले. शिवाजीनगर पोलीस ठाण्यात याप्रकरणी अनोळखी व्यक्तीविरुद्ध पोलिसांनी गुन्हा दाखल केला आहे