शिपाई पदासाठी दरपत्रके पाठविण्याचे नगर रचना कार्यालयाचे आवाहन
लातूर, दि.04 (विमाका):- लातूर नगर रचना कार्यालयातील वर्ग चारची शिपाई (अकुशल) दोन पदे स्थानिकरित्या बाह्यस्त्रोताव्दारे कंत्राटी तत्त्वावर भरण्यात येणार आहेत. शासन निर्णयानुसार नेमलेल्या मान्यताप्राप्त खासगी संस्था, कंपनी यांनी शिपाई (02) पदे भरण्याकरिता 9 नोव्हेंबर 2022 पर्यंत वेतन व भत्ते सर्व तपशीलासह दरपत्रके सीलबंद पाकिटात सादर करण्याचे आवाहन नगर रचना विभागाचे सहायक संचालक सु.प्र.मिटकरी यांनी केले आहे.
शिपाई पदाकरिता उमेदवार हा किमान चौथी पास असणे आवश्यक आहे. तसेच उमेदवाराची सेवा ही केवळ तात्पुरत्या कंत्राटी स्वरूपात अकरा
(11) महिन्याच्या कालावधीसाठी उपलब्ध करून घेण्यासाठी दरपत्रके मागविण्यात येत आहेत, असेही त्यांनी कळविले आहे.***