गुन्हेगारीचा पर्दाफाश….!
घरफोडीच्या गुन्ह्यातील दोन आरोपींना अटक
आरोपींकडून, 2 गुन्ह्यातील 3 लाख 80 हजार रुपयाचे सोने-चांदीचे दागिने हस्तगत. .
2 गुन्हे उघड. 100% जप्ती.
चाकूर पोलीस ठाण्याची दमदार कामगिरी
लातूर- सप्टेंबर व ऑक्टोबर महिन्यामध्ये मध्यरात्रीचे वेळी पोलीस ठाणे चाकूर हद्दीतील मौजे गांजूर व शिवनखेड येथील घरात अज्ञात चोरट्यांने प्रवेश करून घरात ठेवलेले सोन्या चांदीचे दागिने व काही किरकोळ रक्कम चोरून चोरून नेल्याच्या दोन घटना घडल्या त्यावरून पोलीस स्टेशन चाकूर येथे गुरनं 328/2022 कलम 457,380 भादवी., व गुरनं 344/2022 कलम 457,380 भादवी प्रमाणे 2 गुन्हे दाखल करण्यात आले होते.
सदरचा गुन्हे उघडकीस आणण्याचे पोलीस अधीक्षक श्री.सोमय मुंडे यांनी निर्देशित करून महत्त्वाच्या सूचना दिल्या होत्या. त्या अनुषंगाने पोलीस अधीक्षक श्री सोमय मुंडे, अपर पोलीस अधीक्षक डॉ.अजय देवरे, उपविभागीय पोलीस अधिकारी, अहमदपूर व चाकूर तथा सहाय्यक पोलीस अधीक्षक श्री. निकेतन कदम यांचे मार्गदर्शनात पोलीस ठाणे चाकूर चे पोलीस निरीक्षक श्री. बालाजी मोहिते यांचे नेतृत्वात पोलीस पथक नेमुन तपासा बाबत सूचना देण्यात आले होते.
तपासा दरम्यान पोलीस पथक गुन्ह्याची पद्धत रेकॉर्डवरील गुन्हेगार यांचे विश्लेषण करून तसेच गोपनीय बातमीदार नेमून माहिती मिळवण्याचा कसोशीने प्रयत्न करीत होते दरम्यान तपास पथकाला मिळालेल्या माहितीच्या आधारावरून आरोपी नामे
1) शिवमणी संतोष भोसले, वय 21 वर्ष, राहणार, निलंगा जिल्हा लातूर.
2) विजय बब्रु भोसले, वय 21 वर्ष, राहणार तुळजापूर जिल्हा उस्मानाबाद.
यांना दिनांक 13 डिसेंबर 2022 रोजी ताब्यात घेऊन त्यांचेकडे गुन्ह्याबाबत विचारपूस केले असता, त्यांनी दोन्ही गुन्ह्याची कबुली देऊन गुन्ह्यात चोरलेले 3 लाख 80 हजार रुपयाचे सोने चांदीचे दागिने काढून दिल्याने ते जप्त करण्यात आले आहे.
गुन्ह्याचा पुढील तपास वरिष्ठांचे मार्गदर्शनात पोलीस उपनिरीक्षक राजेश घाडगे व पोलीस अंमलदार भागवत मामडगे करीत आहेत.
नमूद तपास पथकाने वरिष्ठांचे मार्गदर्शनात अतिशय कुशलतेने, गुन्ह्याच्या पद्धतीचा बारकाईने विश्लेषण व अभ्यास करून,रेकॉर्डवरील गुन्हेगारांची गोपनीय माहिती मिळवून दोन्ही गुन्ह्यात चोरीस गेलेले सोने-चांदीचे दागिने शंभर टक्के परत मिळविले आहे.
सदर गुन्हे उघडकीस आणण्यासाठी वरिष्ठांचे मार्गदर्शनात उपविभागीय पोलीस अधिकारी अहमदपूर व चाकूर चे सहाय्यक पोलीस अधीक्षक श्री. निकेतन कदम यांचे नेतृत्वातील टीम मधील चाकूर पोलीस स्टेशनचे पोलीस निरीक्षक बालाजी मोहिते,पोलीस उपनिरीक्षक राजेश घाडगे, कपिल पाटील पोलीस अंमलदार आकाश कातपुरे , नितीन मामडगे ,भागवत मामडगे यांनी चोरीच्या गुन्ह्याचा कौशल्यपूर्ण तपास करून गुन्ह्याची उकल करून गुन्हा उघडकीस आणून, गुन्ह्यात चोरलेला मुद्देमाल शंभर टक्के हस्तगत करण्याची कामगिरी बजावली आहे.