गुन्हेगारीचा पर्दाफाश….!
शाई फेकणार्या वर खुनाचा प्रयत्न केल्याचा गुन्हा दाखल, गुन्हे मागे घेण्यासाठी मोर्चाचे आयोजन
पुणे/सह संपादक-दादाराव कांबळे
चंद्रकांत पाटील हे शनिवारी दि.10डिसेंबर रोजी पिंपरी-चिंचवड शहरात आले होते. ते चिंचवड येथील मोरया गोसावी संजीवन समाधी सोहळ्याच्या कार्यक्रमाला जात असताना त्यावेळी समता सैनिक दलाचे मनोज भास्कर गरबडे (वय-34, रा. गोकुळ हॉटेलजवळ पिंपरी) यांनी चंद्रकांत पाटील यांच्या तोंडावर शाई फेकली आणि एकच खळबळ उडाली. चिंचवड पोलिसांनी त्याला तेथेच पकडून ताब्यात घेतले होते.पालकमंत्री आणि उच्च व तंत्र शिक्षणमंत्री चंद्रकांत पाटील यांच्या तोंडावर शाईफेक करणाऱ्यासह त्याच्या दोन सहकाऱ्यांवर चिंचवड पोलिस ठाण्यात खुनाचा प्रयत्न केल्याचा गुन्हा दाखल करण्यात आला आहे.
याप्रकरणी चिंचवड पोलीस ठाण्याचे वरिष्ठ पोलीस निरीक्षक खराडे अधिक तपास करत आहेत.
मिळालेल्या माहिती नुसार मनोज गरबडे याच्यासह त्याचे दोन साथीदार धनंजय भाऊसाहेब इजगज (वय-39 आणि विजय धर्मा ओव्हाळ (वय-40, दोघेही रा. आनंदनगर, चिंचवड) यांनाही पोलिसांनी अटक केली होती. धनंजय इजगज हे सुद्धा समता सैनिक दलाचे कार्यकर्ते आहेत. तसेच विजय ओव्हाळ हे वंचित बहुजन आघाडी या पक्षाचे शहर सचिव असल्याचे समोर आले आहे.या तिघांवर कलम 307 सह 353, 294,500, 501, 120 (ब) 34 क्रिमिनल लॉ अमेंडमेंट ॲक्ट कलम 7, महाराष्ट्र पोलीस कायदा कलम 37(1)/135 अन्वये खुनाचा प्रयत्न केल्याचा गुन्हा दाखल करण्यात आल्यानंतर पोलिस स्टेशन च्या आवारात कार्यकर्त्यांची गर्दी जमलीहोती.दरम्यान,शाईफेक प्रकरणी अटक करण्यात आलेल्या कार्यकर्त्यांवर सत्ताधाऱ्यांच्या दबावाखाली पोलीस यंत्रणेने टाकलेले चुकीचे गुन्हे मागे घेण्यासाठी शहरातील सर्व आंबेडकरी संघटनेने आणि इतर पक्षांनी रविवार दिनांक -11डिसेंबर वेळ – सकाळी 10.30 वाजता जाहिर मोर्चाचे आयोजन करण्यात आले आहे
मोर्चा मार्ग – प्रारंभ : चिंचवडगाव चाफेकर चौक ते पोलीस आयुक्तालय कार्यालय असा असल्याचे सांगण्यात आले आहे.