लातूर जिल्हा पोलीस दलाच्या वतीने रेल्वे स्टेशन येथे पोलिसांची "मॉक ड्रिल"
लातूर- राज्यातील कोणत्याही दहशतवादी हल्याच्या प्रंसगी प्रसंगअवधान राखुन करावयाच्या कार्यपद्धती संबधात लातूर जिल्हा पोलीस दलाच्या वतीने लातूर शहर रेल्वे स्टेशन येथे दिनांक 17/01/2023 रोजी रेल्वे स्टेशन तिकीट काउंटर हॉल मध्ये तिन दहशतवाद्यांनी अचानकरीत्या हल्ला करून काही लोकांना वेठीस धरले आहे. अशी माहीती मिळताच लातूर जिल्यातील पोलीस यंत्रणा तातडीने घटनास्थळी पोहचुन कोणतीही जिवीत/वित्तहानी न होवु देता तिनही दहशतवाद्यांना ताब्यात घेवून जखमींना तात्काळ अॅम्बुलन्स व्दारे दवाखान्यात पाठविण्यात आले व वेठीस धरलेल्या लोकांना पुर्वव्रत मोकळे करण्यात आले.
तसेच बिडीडीस, श्वान पथकाव्दारे रेल्वे स्टेशन स्फोटक पदार्थ ठेवल्याची शक्यता असल्याने तपासणी करण्यात आली. फॉरेन्सीक लॅब मार्फतीने घटनास्थळाचे भौतीक दुवे तपासण्यात आले. ताब्यात घेतलेले दहशतवादी यांना स्थानिक पोलीस ताब्यात देण्यात आले. तसेच ट्राफिक अंमलदारांच्या मदतीने रस्तावरील गर्दी सुरळीत करण्यात आली. तसेच स्टेशनवरील झालेला गोंधळ मेगा फोन व्दारे सुचना देवुन नियंत्रणात आणण्यात आला.
सदर रंगीत तालीम (मॉक ड्रील) पोलीस अधीक्षक श्री.सोमय मुंडे,अपर पोलीस अधीक्षक डॉ.अजय देवरे यांच्या मार्गदर्शनाखाली निरीक्षक स्थागुशा गजानन भातलवंडे, दहशतवादी विरोधी पथकाचे पोलीस उपनिरीक्षक आयुब शेख, राखीव पोलीस उपनिरीक्षक दिलीप माने ,बिडीडीएस पथकाचे पोलीस उपनिरीक्षक लक्ष्मण कोमवाड, बिडीडीएस पथक, अंगुलीमुद्रा विभाग ,रेल्वे सुरक्षा बल व स्टाफ, वैदयकीय स्टाफ, अग्निशामकदल, व जलद कृती दल (क्युआरटी), दंगल नियंत्रण पथक (आरसीपी) असे हजर होते..
सदर रंगीत तालीम ही दिनांक 17/01/2023 चे दुपारी 3 वाजले पासून ते 5 वाजेपर्यंत घेण्यात आली
*दक्षता जनतेच्या सुरक्षेची..*
अतिरेकी कारवायांच्या घटना घडत असताना शहरभर शांतता, सुव्यवस्थेसाठी सर्वत्र ‘मॉक ड्रील’ मोहीम राबवण्यात येते. एखाद्या गंभीर घटनेला सामोरे जाण्याच्या दृष्टीने घ्यावयाची खबरदारी अशा मोहिमांमधून राबवण्यात येते. यातून प्रशासकीय यंत्रणा कितपत तत्पर आहे. यात काय उणिवा राहिल्या याचा शोध घेण्याचा प्रयत्न केला जातो. पुढील काळात त्या होणार नाहीत याची दक्षता घेण्यात येते. जनतेच्या सुरक्षेच्या दृष्टीने ही प्रात्यक्षिके घेण्यात येतात.
दहशतवादी हल्ला झाल्यास पोलीसांनी काय करावे तसेच नागरीकांनी प्रसंग अवधान राखुन काय काळजी घ्यायला पाहीजे या बाबत सदर रंगीत तालीम व्दारे दर्शविण्यात आले. तसेच नागरीकांना जागरुक राहुन दहशतवादा संबधी काहीही माहीती असल्यास नियंत्रण कक्ष, लातूर फोन क्र.02382-242296, डायल 112 वर संर्पक करुन कळवावे असे आवाहान लातूर जिल्हा पोलीस दलांच्या वतीने करण्यात येत आहे.