गुन्हेगारीचा पर्दाफाश….!
जे
२२ कोटीच्या अपहार प्रकरणातील कारकुनाला चार दिवसांच्या पोलिस कोठडीत वाढ; दोन आरोपी अद्यापही फरार !
लिपिक मनोज फुलेबोयणे याने औशातही तब्बल ८८ लाखांचा अपहार केल्याचे चौकशीत समोर आले आहे.
 |
| मुख्य आरोपी-मनोज नागनाथ फुलेबोयणे (रा.बोरी, ता.लातूर) |
लातूर : २२ कोटी ८७ लाख ६२ हजार २५ रुपयांच्या अपहार प्रकरणाची व्याप्ती दिवसेंदिवस वाढत आहे. आता हा अपहार २६ कोटींवर पोहोचला आहे. या प्रकरणातील दोघे आरोपी अद्यापही फरारच आहेत, तर अटकेत असलेल्या दोघांच्या कोठडीची मुदत सोमवारी संपल्याने त्यांना लातूरच्या न्यायालयात पुन्हा हजर करण्यात आले. न्यायालयाने २ फेब्रुवारीपर्यंत त्यांच्या कोठडीत वाढ केली आहे. या अपहार प्रकरणाचा जिल्हाधिकारी, विभागीय आयुक्तांनी नियुक्त केलेल्या समितीकडून चौकशी सुरू आहे. त्याचबरोबर, पोलिसांकडून समांतर तपास केला जात आहे.
अटकेतील मनोज नागनाथ फुलेबोयणे (रा.बोरी, ता.लातूर) हा जिल्हाधिकारी कार्यालयातील लेखा शाखा विभागात लिपिक, महसूल सहायक अव्वल कारकून या पदावर कार्यरत होता. दरम्यान, त्याच्याकडे विविध प्रकारच्या खरेदीची, विविध
शाखा, पुरवठादार यांच्याकडून येणारी देयके तपासून सक्षम प्राधिकार यांच्या मान्यतेने संबंधितांना देयकाचे धनादेश देणे, आरटीजीएस करण्यासाठी बँक व्यवस्थापकास निर्देशपत्र देणे, नोंदवहीत नोंद घेणे, बँक व्यवहार हाताळणे आदींची जबाबदारी होती. मात्र, मनोज फुलेबोयणे याने २६ मे, २०१४ ते ८ जून, २०२२ या काळात
बनावट आरटीजीएस तयार करून, तहसीलदारांच्या स्वाक्षरीचे धनादेशातील मूळ रकमेच्या आकड्यात स्वहस्ताक्षरात वाढ करून, असे आरटीजीएस, धनादेश स्वतःच्या मित्राच्या बँक खात्यात जमा केले, यातूनच त्याने तब्बल २२ कोटी ८७ लाख ६२ हजार २५ रुपयांचा अपहार केल्याचे चौकशीत समोर आले.
दोघा आरोपींचा पोलिसांना चकवा.....
कोट्यवधींच्या शासकीय निधीचा 'अपहार केल्याप्रकरणी एका लिपिकांसह अन्य तिघांविरोधात २१ जानेवारी रोजी रात्री ८.३० च्या सुमारास गुन्हा दाखल केला आहे. या प्रकरणातील दोघांना पोलिसांनी अटक केली आहे. तर अरुण फुलेबोयणे आणि सुधीर रामराव देवकत्ते हे अद्यापही पोलिसाच्या हाती लागले नाहीत.
त्यांच्या मागावर पोलीस पथक असून, त्यांनाही लवकरच अटक केली जाणार आहे. एमआयडीसी ठाण्याचे पोलिस निरीक्षक संजीवन मिरकले म्हणाले.या प्रकरणात एमआयडीसी पोलिस ठाण्यात मनोज फुलेबोयणे, अरुण फुलेबोयणे, सुधीर रामराव देवकत्ते आणि चंद्रकांत नारायण गोगड़े यांच्याविरोधात गुन्हा दाखल आहे. पोलिसांनी मनोज फुलेबोयणे आणि चंद्रकांत गोगडे या दोघांना अटक केली आहे. ते सध्याला एमआयडीसी ठाण्यांच्या कोठडीत आहेत.
ओंसा तहसीलमध्ये ८८ लाखांचा अपहार.....
लातूर जिल्हाधिकारी वापरलेली मोड्स अपहारातही वापरल्याचे उघड झाले, लिपिक मनोज फुलेबोयणे याने औशातही तब्बल ८८ लाखांचा अपहार उघड झाला आहे.हा अपहार त्याने सात दिवसात केल्याचे चौकशीत समोर आले.
लातूर येथील अपहारासाठी याची कुणकुण लागताच,
. तहसीलदारांनी बजावलेल्या नोटिशीनंतर त्याने ही रक्कम तहसीलदारांना खात्यात जमा केली.