आम्ही लातूरकरच्या वतीने विविध कार्यक्रमाचे आयोजन
लातूर दि.17 फेब्रुवारी-
मराठेशाहीच्या इतिहासात मोठे महत्व असलेल्या आल्याच्या यात शिवजयंती उत्सव साजरा करण्यास परवानगी दिल्याबद्दल भारतीय जनता पार्टीचे लातूर शहर जिल्हाध्यक्ष गुरुनाथ मगे यांनी पत्रकार परिषदेत केंद्रातील मोदी सरकारने अभिनंदन केले आहे. हा उत्सव साजरा व्हावा यासाठी सातत्याने प्रयत्न केल्याबद्दल मुख्यमंत्री एकनाथ शिंदे, उपमुख्यमंत्री देवेंद्र फडणवीस, भाजपा प्रदेशाध्यक्ष चंद्रशेखर बावनकुळे यांचेही मगे यांनी आभार मानले आहेत. या पत्रकार परिषदेला संघटन सरचिटणीस अ‍ॅड. दिग्विजय काथवटे उपस्थित होते.गुरुनाथ मगे यांनी सांगितले की, मराठेशाहीच्या इतिहासात आग्रा येथील किल्ल्याला मोठे महत्व आहे. शिवछत्रपतींनी याच किल्ल्यातील दिवाण-ए- आमम मध्ये औरंगजेबासमोर बाणेदारपणाचे दर्शन घडवले होते. हा दिवाण-ए- आम यंदा प्रथमच छत्रपती शिवाजी महाराजांच्या जयघोषाने निनादणार आहे. छत्रपती शिवाजी महाराजांची 393 वी जयंती यावर्षी साजरी होत आहे. सा निमित्ताने हा मोठा योग महाराष्ट्र शासन आणि सामाजिक संस्थांच्या पुढाकारामुळे जुळून आला आहे. हिंदवी स्वराज्याचे मानबिंदू असलेल्या छत्रपती शिवरायांचा जयंती उत्सव आग्रा किल्ल्यात साजरा होणे. हा समस्त मराठी जनतेच्या दृष्टीने अभिमानाचा क्षण आहे.आग्रा किल्ल्यामध्ये शिवजयंती साजरी करण्याची मागणी काही सामाजिक संस्थांनी केंद्र शासनाकडे केली होती. भारतीय पुरातत्व सर्वेक्षण विभागाने उत्सव साजरा करण्यास परवानगी देण्यास नकार दिला होता. त्याविरुद्ध दिल्ली उच्च न्यायालयात दाद मागण्यात आली. या कार्यक्रमाचा महाराष्ट्र शासन सहआयोजक असेल तर या किल्ल्यात शिवजयंती साजरी करण्यास परवानगी देण्याचे निर्देश न्यायालयाने दिले होते. मुख्यमंत्री एकनाथ शिंदे, उपमुख्यमंत्री देवेंद्र फडणवीस यांनी केंद्र सरकारच्या सांस्कृतिक विभाग आणि पुरातत्व सर्वेक्षण विभागाला पत्र लिहून महाराष्ट्र शासन काही सामाजिक संस्थांच्या संयुक्त विद्यमाने शिवजयंती साजरी करणार असल्याचे कळविले. त्यानुसार पुरातत्व विभागाने महाराष्ट्र शासनाला छत्रपती शिवाजी महाराजांची जयंती साजरी करण्याची अनुमती दिली आहे, असेही त्यांनी सांगितले.शिवजयंती उत्सवाला केंद्रीय गृहमंत्री अमित शाह उपस्थित राहणार आहेत. शिवशाहीर बाबासाहेब पुरंदरे यांच्या कल्पनेतून साकारलेल्या पुणे येथील शिवीसृष्टीच्या पहिल्या टप्प्याचे केंद्रीय गृहमंत्री अमित शाह यांच्या हस्ते लोकार्पण होणार आहे, अशी माहितीही मगे यांनी दिली. तर लातूरच्या शिवजयंती महोत्सवात कोणताही पक्षीय अभिनिवेश न ठेवता केवळ शिवाजी महाराजांचा जन्मोत्सव भाजपच्या सात मंडलाच्या वतीने व भाजपच्या वतीने मोठया उत्साहात साजरा करण्यात येणार आहे. हा उत्सव आम्ही लातूरकरच्या वतीने साजरा केला जाणार आहे. त्या निमित्त दिवसभर विविध कार्यक्रमाचे आयोजन करण्यात आल्याची माहीती त्यांनी यावेळी दिली. या पत्रकार परिषदेला दिग्विजय काथवटे, प्रवीण सावंत, शिरीष कुलकर्णी, श्रीराम कुलकर्णी, विपुल गोजमगुंडे उपस्थित होते.