गुन्हेगारीचा पर्दाफाश….!
10 मोटरसायकलसह 5 लाख रुपयांचा मुद्देमाल जप्त.4 गुन्हे उघडकीस ,
स्थानिक गुन्हे शाखेची कामगिरी,आरोपीला अटक*
या बाबत थोडक्यात हकीकत अशी की, पोलीस अधीक्षक श्री. सोमय मुंडे यांचे आदेशान्वये अपर पोलीस अधीक्षक डॉ. अजय देवरे, उपविभागीय पोलिस अधिकारी लातूर शहर श्री.जितेंद्र जगदाळे यांचे मार्गदर्शनात पोलीस निरीक्षक स्थानिक गुन्हे शाखा श्री.गजानन भातलवंडे यांचे नेतृत्वात जिल्ह्यातील विविध पोलीस स्टेशनला घडलेले मालाविषयक गुन्हे उघडकीस आणण्याकरिता पोलीस अधिकारी व अंमलदार यांना सूचना व मार्गदर्शन करण्यात आले होते.
पोलीस स्टेशनला दाखल असलेल्या विशेषतः मोटारसायकल चोरीचे गुन्हे उघडकीस आणण्याकरिता विशेष पथके स्थापन करून गुन्हे उघड करण्याचे प्रयत्न सुरू होते .
त्या अनुषंगाने सदर पथके माहितीचे संकलन करीत असताना, माहिती घेत असताना दिनांक 12 एप्रिल 2023 रोजी स्थानिक गुन्हे शाखेच्या पथकाला माहिती मिळाली की, पोलीस ठाणे शिवाजी नगर येथे दाखल असलेल्या मोटारसायकल चोरीच्या गुन्ह्यातील चोरलेली मोटार सायकल घेऊन संशयित आरोपी नामे सचिन दयानंद गायकवाड हा गरुड चौक परिसरात फिरत आहे. अशी खात्रीशीर बातमी मिळाल्याने सदर पथक तात्काळ गरुड चौक परिसरात पोचून रोडवर हिरो होंडा स्प्लेंडरसह थांबलेल्या इसमाला विश्वासात घेऊन विचारपूस केली असता त्याने त्याचे नाव
1) सचिन दयानंद गायकवाड वय 20 वर्ष राहणार बौद्ध नगर लातूर असे असल्याचे सांगितले.
तसेच त्यांच्या ताब्यात असलेल्या वाहना संदर्भाने विचारपूस केली असता सांगितले कि, सदरची स्प्लेंडर मोटर सायकल काही दिवसापूर्वी लातूर शहरातून चोरी केलेली आहे. तसेच लातूर शहरातील विविध ठिकाणाहून त्याच्या आणखीन साथीदार नामे श्रीधर कचरू कसबे, वय 22 वर्ष ,राहणार जयनगर ,लातूर यांच्यासोबत मिळून मोटारसायकली चोरी केल्याचे सांगितले. त्यावरून गुन्ह्यातील नमूद आरोपीला ताब्यात घेऊन त्यांनी लातूर शहरातील विविध पोलीस स्टेशनच्या हद्दीतून चोरी केलेल्या मोटारसायकल बाबत विचारपूस करुन नमूद आरोपीकडून चोरीच्या आणखीन इतर 9 विविध कंपनीच्या मोटारसायकली ज्याची एकूण किंमत 5 लाख 5 हजार रुपयाचा मुद्देमाल हस्तगत करण्यात आला.
मोटार सायकल चोरीचे पोलीस ठाणे शिवाजीनगर , एमआयडीसी, गांधी चौक येथील 04 गुन्हे उघडकीस आलेले आहेत. पुढील कार्यवाहीस्तव नमूद आरोपींना पोलीस ठाणे शिवाजीनगर च्या ताब्यात देण्यात आल्या असून संबंधित पोलीस ठाणेचे पोलीस पुढील तपास करीत आहेत.
सदरची कामगिरी वरिष्ठांचे मार्गदर्शनात स्थानिक गुन्हे शाखेचे पोलीस निरीक्षक श्री.गजानन भातलवंडे यांचे मार्गदर्शनात सहाय्यक पोलीस उपनिरीक्षक शैलेश जाधव , सहायक पोलीस उपनिरीक्षक संजय भोसले,पोलीस अंमलदार सुधीर कोळसुरे,राम गवारे, मोहन सुरवसे, प्रमोद तरडे, योगेश गायकवाड, मनोज खोसे, राहुल कांबळे, चंद्रकांत केंद्रे, राजेश कंचे यांनी पार पाडली.