*रेझिंग डे’ निमित्त 2 जानेवारी ते 8 जानेवारी पर्यंत लातूर पोलिसांकडून विविध कार्यक्रमाचे आयोजन.
दिवंगत पंतप्रधान पंडित जवाहरलाल नेहरू यांनी दोन जानेवारी 1961 रोजी महाराष्ट्र पोलिस विभागास ध्वज सुपूर्त केला होता. त्या दिनानिमित्त महाराष्ट्र पोलिस विभागाच्या वतीने आज (मंगळवार) रेझिंग डे साजरा केला जात आहे.
त्यानिमित्त विविध कार्यक्रमाचे आयोजन करण्यात आले आहे.
दिवंगत पंतप्रधान पंडित जवाहरलाल नेहरू यांनी दोन जानेवारी 1961 रोजी महाराष्ट्र पोलिस विभागास ध्वज सुपूर्त केला होता. त्या दिनानिमित्त महाराष्ट्र पोलिस विभागाच्या वतीने आज (मंगळवार) रेझिंग डे साजरा केला जात आहे. त्यानिमित्त विविध कार्यक्रमाचे आयोजन करण्यात आले आहे.
24 तास ऑन ड्युटी असणाऱ्या पोलिसांचे कामकाज कसे चालते याविषयी विद्यार्थ्यांना, सर्वसामान्य लोकांना माहिती व्हावी, यासाठी ‘भेट पोलिस स्टेशनला’ हा उपक्रम हाती घेण्यात आला आहे. यात जिल्ह्यातील प्रत्येक पोलिस स्टेशनअंतर्गत असलेल्या शाळेतील विद्यार्थ्यांच्या पोलिस ठाण्यांना भेट आयोजित केल्या आहेत. त्यांना पोलिस खात्याच्या कामकाजाविषयी माहिती देण्यात आले आहे. त्याचबरोबर पोलिसांकडील शस्त्रसाठ्याचे प्रदर्शनही भरविण्यात आले. सर्व पोलिस ठाण्याच्या हद्दीत विविध उपक्रम राबविण्यात येणार आहेत. सर्व पोलीस ठाण्याचे प्रभारी अधिकारी त्यांच्या हद्दीतील शैक्षणिक संस्थांना भेट देऊन विद्यार्थ्यांना वाहतुकीचे नियम व अन्य कायद्यांविषयी मार्गदर्शन करणार आहे. महिलावरील अत्याचार व स्त्रीभ्रूण हत्या जनजागृतीविषयक चर्चासत्रा घेण्यात येणार आहे.
गुन्ह्यातील किंमती ऐवज प्रदान कार्यक्रमविविध गुन्ह्यात अनेकदा किंमती ऐवज गुन्हेगारांकडून जप्त केला जातो. असा मुद्देमाल कोर्टाच्या आदेशांने संबधित मालकाला दिला जातो. रेझिंग डे निमित्त असा मुद्देमाल मूळ फिर्यादींना परत देण्याचे नियोजन करण्यात आले आहे.