लातूर एमआयटी येथे आ. रमेशआप्पा कराड यांच्या हस्ते ध्वजारोहण

लातूर एमआयटी येथे आ. रमेशआप्पा कराड यांच्या हस्ते ध्वजारोहण

लातूर दि.२७ - भारतीय प्रजाकसत्ताक दिनाच्या निमित्ताने माईर्स एमआयटी वैद्यकीय शैक्षणीक संकुल, लातूर येथे शुक्रवार दि. २६ जानेवारी २०२४ रोजी सकाळी ९.१५ वाजता लातूर एमआयटीचे कार्यकारी संचालक तथा विधानपरिषदेचे सदस्य आ. रमेशअप्पा कराड यांच्या हस्ते ध्वजारोहन करण्यात आले. याप्रसंगी पुरस्कार वितरणासह विविध क्षेत्रात प्राविण्य मिळवल्याबद्दल विद्यार्थ्यांचा सत्कार करण्यात आला.

            प्रारंभी राष्ट्रपिता महात्मा गांधीजी यांच्या प्रतिमेस आ. रमेशअप्पा कराड यांनी पुष्पहार अर्पण करून अभिवादन केले. वैद्यकीय शिक्षण प्रथम वर्षाच्या परीक्षेत महाविद्यालयातून सर्वप्रथम येणाऱ्या विद्यार्थ्यास दरवर्षी देण्यात येणारा जनाबाई ग्यानबा शेप हा पुरस्कार यावर्षी हिंदवी बिरादार आणि स्नेहल फड यांना तर मोनिका ढाका पुरस्कार फिजा तांबोळी या विद्यार्थिनीस आ. रमेशआप्पा कराड यांच्या हस्ते देऊन गौरव करण्यात आला त्याचबरोबर लातूर एमआयटी वैद्यकीय महाविद्यालयातील गिरीजा नावंदीकर, प्रियंका मल्होत्रा, सिमरन माटकर, सिध्दी रुद्रावार, स्नेहल सोनकांबळे या विद्यार्थ्यांनी विविध क्षेत्रात प्राविण्य मिळवल्याबद्दल यथोचित सत्कार करून अभिनंदन करण्यात आले.

        याप्रसंगी वैद्यकीय महाविद्यालयाचे प्राचार्य डॉ. एन. पी. जमादार, उपअधिष्ठाता डॉ. बी. एस. नागोबा, प्रशासकीय शैक्षणिक संचालिका डॉ. सरिता मंत्री, नर्सिंग महाविद्यालयाचे प्राचार्य सरवनन, दंत महाविद्यालयाचे प्राचार्य डॉ. सुरेश कांगणे, उपप्राचार्य डॉ. यतीश जोशी, मुख्य प्रशासकीय अधिकारी सचिन मुंडे, रुग्णालय अधीक्षक डॉ. माले, डॉ. अरुणकुमार राव, डॉ. विद्या कांदे, डॉ. मुकुंद भिसे, डॉ. चंद्रकला पाटील, डॉ. आशा पिचारे, डॉ. पठाण, डॉ. बस्‍वराज वारद, डॉ. शैला बांगड, डॉ. क्रांती केंद्रे यांच्यासह एमआयएमएसआर वैद्यकीय महाविद्यालय व यशवंतराव चव्हाण ग्रामीण रुग्णालय, एमआयडीएसआर दंत महाविद्यालय, फिजीओथेरपी महाविद्यालय व नर्सिंग महाविद्यालयातील विभाग प्रमुख, प्राध्यापक, डॉक्टर, विद्यार्थी, पालक व नागरीक ध्वजारोहन कार्यक्रमासाठी मोठ्या संख्येने उपस्थित होते.