गुन्हेगारीचा पर्दाफाश….!
मोटरसायकल चोरीचे चार गुन्हे उघड; आरोपी ताब्यात,02 लाख 95 हजार रुपये किमतीचे 07 मोटरसायकल जप्त.
पोलीस ठाणे गांधी चौक ची कारवाई
या बाबत थोडक्यात हकीकत अशी की,पोलीस अधीक्षक श्री. सोमय मुंडे यांचे आदेशान्वये अपर पोलीस अधीक्षक डॉ. अजय देवरे, यांचे मार्गदर्शनात जिल्ह्यातील पोलीस स्टेशनला घडलेले मालाविषयक गुन्हे उघडकीस आणण्याकरिता ठाणे प्रभारी अधिकाऱ्यांना सूचना व मार्गदर्शन करण्यात आले होते.
पोलीस स्टेशनला दाखल असलेल्या विशेषतः मोटारसायकल चोरीचे गुन्हे उघडकीस आणण्याकरिता विशेष पथके स्थापन करून गुन्हे उघड करण्याचे प्रयत्न सुरू आहेत.
त्या अनुषंगाने पोलीस ठाणे गांधी चौक चे पोलीस निरीक्षक सुधाकर देडे यांचे नेतत्वात गांधी चौक चे विशेष पोलीस पथक माहितीचे संकलन करीत असताना, माहिती घेत असताना दिनांक 14/07/2024 रोजी सदर पथकाला माहिती मिळाली की, मोटारसायकल चोरीच्या गुन्ह्यातील गुन्हेगार चोरलेली मोटरसायकल घेऊन कान्हेरी चौक परिसरात फिरत आहे. अशी खात्रीशीर बातमी मिळाल्याने सदर पथक तात्काळ कान्हेरी चौक परिसरात पोहचून रोडवर मोटार सायकलसह थांबलेल्या इसमाला विश्वासात घेऊन विचारपूस केली असता त्यांने त्याचे नाव
1) शाहरुख प्यारमहमद पठाण, राहणार भादा, सद्या राहणार इंदिरा नगर, लातूर असे असल्याचे सांगितले.
तसेच त्यांच्या ताब्यात असलेल्या वाहनासंदर्भाने विचारपूस केली असता सांगितले कि, सदरची मोटर सायकल 12/07/2024 रोजी शासकीय वैद्यकीय महाविद्यालय परिसरातून चोरी केली आहे. तसेच काही महिन्यापूर्वी लातूर शहरातील विविध ठिकाणाहून आणखीन 6 मोटारसायकली चोरी केल्याचे सांगितले.
त्यावरून गुन्ह्यातील नमूद इसमास त्यांने विविध ठिकाणाहून चोरी करून लपवून ठेवलेल्या आणखीन 6 चोरीच्या मोटारसायकली अशा एकूण सात मोटारसायकली ज्याची एकूण किंमत 02 लाख 95 हजार रुपयाचा मुद्देमाल हस्तगत करण्यात आला.
पोलीस ठाणे गांधी चौक मधील मोटरसायकल चोरीचे चार गुन्हे उघडकीस आलेले आहेत.
पुढील तपास पोलिस अमलदार पवार करीत आहेत.
सदरची कारवाई वरिष्ठांचे मार्गदर्शनात पोलीस ठाणे गांधी चौक चे पोलीस निरीक्षक सुधाकर देडे यांचे मार्गदर्शनात पोलीस उपनिरीक्षक अक्रम मोमीन,पोलीस अंमलदार राजेंद्र टेकाळे, दामोदर मुळे, राम गावरे, दत्ता शिंदे , रणवीर देशमुख, शिवा पाटील, संतोष गिरी, शिवराज भाडूळे, सूर्यवंशी,पवार, काज्जेवाड यांनी केली आहे.
Tags:
LATUR