मुख्याध्यापक संघाच्या आंदोलनास उत्स्फूर्त प्रतिसाद मुख्यमंत्री व शिक्षण आयुक्तांना मागण्यांचे निवेदन

मुख्याध्यापक संघाच्या आंदोलनास उत्स्फूर्त प्रतिसाद मुख्यमंत्री व शिक्षण आयुक्तांना मागण्यांचे निवेदन

लातूर, दि.6 -राज्यातील शिक्षक व शिक्षकेतर कर्मचार्‍यांच्या विविध शैक्षणिक समस्या सोडविण्याच्या मागणीसाठी लातूर जिल्हा माध्यमिक व उच्च माध्यमिक मुख्याध्यापक संघातर्फे मंगळवारी (दि. ६) येथील जिल्हाधिकारी कार्यालयासमोर धरणे आंदोलन करण्यात आले. याला उत्स्फूर्त प्रतिसाद मिळाला. मुख्याध्यापक संघ व शिक्षण संस्थाचालक संघाच्यावतीने जिल्हाधिकारी वर्षा ठाकूर यांच्यामार्फत मुख्यमंत्री एकनाथ शिंदे व राज्याचे शिक्षण आयुक्त सूरज मांढरे यांना मागण्यांचे निवेदन देण्यात आले.

राज्यातील अशंतः अनुदानित, विनाअनुदानित कनिष्ठ महाविद्यालयांना प्रचलित धोरणानुसार अनुदान टप्पा तत्काळ लागू करावा. १ नोव्हेंबर २००५ पूर्वी नियुक्त व १ नोव्हेंबर २००५ नंतर अनुदानावर आलेल्या माध्यमिक व उच्च माध्यमिक विद्यालयांतील शिक्षक व शिक्षकेत्तर कर्मचार्‍यांना जुनी पेन्शन योजना तत्काळ लागू करावी.१५ मार्च २०२४ चा सुधारित संच मान्यता शासन निर्णय रद्द करून शाळा तिथे मुख्याध्यापक पद हे धोरण असावे. १५ मार्च २०२४ रोजीचा वर्ग ५ वी व ८ वी च्या वर्गांचा दर्जावाढ निर्णय तत्काळ रद्द करावा. शिक्षक व कर्मचारी भरती तत्काळ सुरू करावी व शिक्षकेतरची पदे पूर्ववत ठेवावीत. राज्यातील शिक्षक व शिक्षकेतर कर्मचार्यांना कॅशलेस मेडिकल योजना तत्काळ लागू करावी. १ नोव्हेंबर २००५ नंतर नियुक्त शिक्षक व शिक्षकेतर कर्मचार्‍यांना जुनी पेन्शन योजना लागू करावी, आदी मागण्यांसाठी हे आंदोलन करण्यात आले. दरम्यान, मुख्याध्यापक संघ व शिक्षण संस्थाचालक संघाच्यावतीने जिल्हाधिकारी वर्षा ठाकूर-घुगे यांच्यामार्फत मुख्यमंत्री एकनाथ शिंदे व राज्याचे शिक्षण आयुक्त सूरज मांढरे यांना शैक्षणिक प्रश्‍नांची सोडवणूक करावी, याबाबत निवेदन देण्यात आले.

या आंदोलनात मुख्याध्यापक संघाचे राज्य उपाध्यक्ष तथा जिल्हाध्यक्ष प्रकाश देशमुख, वसंतराव पाटील, सी. के. साळुंके, शिक्षण संस्थाचालक संघाचे अध्यक्ष रामदास पवार, सचिव बाबूराव जाधव, कोषाध्यक्ष प्राचार्य डी. एन. केंद्रे, प्रा. गोविंदराव घार, डी. बी. लोहारे, जे. जी. सगरे, पी. एन. बंडगर, मधुकर पात्रे, कालिदास माने, प्रा. ओमप्रकाश साकोळकर, मुख्याध्यापक संघाच्या उपाध्यक्ष जयश्री ठवळे, कोषाध्यक्ष शिवराज म्हेत्रे, सचिव बजरंग चोले, प्रवक्ते कालिदास शेळके, उपाध्यक्ष उमेश पाटील, उपाध्यक्ष रमेश मदरसे, उपाध्यक्ष सचिन साबणे, उपाध्यक्ष जयश्री ठवळे, सहसचिव दत्तात्रय पारवे, सहसचिव अनिल कारभारी, सहकोषाध्यक्ष रामेश्‍वर कदम, सदस्य बालाजी मुंडे, एस. व्ही. मादलापुरे, परवेजखान पठाण, विशाल पात्रे, जयश्री पाटील, शिक्षक कॉंग्रेसचे अध्यक्ष बाळासाहेब चव्हाण, राष्ट्रवादी शिक्षक कॉंग्रेसचे अध्यक्ष मदन धुमाळ, दयानंद कांबळे, गंगाधर आरडले, शिक्षकेतर कर्मचारी संघटनेचे अमोल चामे, अनिल दरेकर, पांडुरंग देडे, पांडुरंग चिंचोलकर, कायम विनाअनुदान कृती समितीचे दिनकर निकम, इस्माईल शेख, ङ्गजुक्टाफ संघटनेचे अध्यक्ष प्रा. शिवराम सूर्यवंशी, प्रा. एकनाथ पाटील, प्रा. मारुती सूर्यवंशी, सचिव बाळासाहेब बचाटे, राजेंद्र नागरगोजे, प्राथमिक मुख्याध्यापक संघाचे गणपतराव बाजुळगे, संभाजी नवघरे आदींचा समावेश होता.